Утга зохиол судлаач Уртнасангийн Бямбанямын энэхүү номд дэлхийн болон Монголын уран зохиолын орчин үе, нэн шинэ үеийн гол төлөөлөгчдийн уран бүтээл, бичлэгийн арга барил, сэтгэлгээний онцлог, хэл хэллэг, зохиолын тойм зэргийг орчин цагийн шүүмж судлалын салбарын шинэлэг бичлэгийн хэлбэр болох уран зохиолын эсээ (literary essay), тайлал эсээ (analitic) эсээ байдлаар бичжээ.

Энд багтсан зохиолчдын бүтээл туурвил нь орчин цагийн тулхтай уншигчдын зайлшгүй унших, эргэцүүлэх ёстой бүтээлүүд гэсэн үүднээс сонгон, зохиолчийг зохиол бүтээлийнх нь түвшинд аль болох нээж, цааш дэлгэрүүлэн унших үүд хаалгыг аль болох том онгойлгож өгөхийг зорьсон байна. Уран зохиолын эсээ бичлэг нь уншигчийг зохиол бүтээлийн гүнд хөтлөн аваачих, шинээр зохиолчийг нээх, уран зохиолын идэвхтэй уншлагыг бий болгоход оршдог болно.