Tagtaa Prize 2018: ЯЛАГЧИД
2018-05-21 2615

"ГЭГЭЭН ШУВУУ" утга зохиолын сангаас залуу уран бүтээлчдээ дэмжих, дотоодын уран зохиолын залгамж халааг танилцуулах, уран бүтээлийн замд хөтлөх зорилгоор "Тагтаа" утга зохиолын шагналыг өгүүллэг, яруу найраг, орчуулгын төрлөөр хоёр дахь удаагаа зохион явууллаа. Хоёр сарын турш үргэлжилсэн энэ удаагийн уралдаан гурван төрлөөр бүтээл хүлээн авч, яруу найргийн төрөлд 100 шүлэгч, өгүүллэгийн төрөлд 75 залуу зохиолч, орчуулгын төрөлд нийт 40 орчуулагч бүтээлээ ирүүллээ.

ӨГҮҮЛЛЭГ 

Богино өгүүллэгийн төрөлд 75 зохиолч  бүтээлээ ирүүлснээс бид шилдэг ДӨРВӨН зохиолчийг шигшин авч, бүтээлийг нь tagtaa.mn сайтаар дамжуулан та бүхэнд хүргэсэн билээ. Эцсийн дүн гарахад залуу зохиолч Хишигнямын Буянбат “Уруудах гудамжны.., муур ихэрлэх гудамжны төгсгөл” өгүүллэгээрээ тэргүүлж “Тагтаа 2018” уралдааны ялагч болсон юм.

ШИЛДЭГ ӨГҮҮЛЛЭГ:

Хишигнямын Буянбат:  Уруудах гудамжны.., муур ихэрлэх гудамжны төгсгөл

 СҮҮЛИЙН ШАТАНД ШАЛГАРСАН ӨГҮҮЛЛЭГҮҮД:

Сайнбилэгийн Баатарцогт: Мартагдсан он жилүүдээс урсан ирэх аялгуу

Цэрэндоржийн Ариунтуяа: Төрөх тасаг

Дэлгэрсайханы Сосорбарам: Залгигч

ЯРУУ НАЙРАГ

Яруу найргийн төрөлд 100 шүлэгч  бүтээлээ ирүүлснээс бид шилдэг ТАВАН уран бүтээлчийг шигшин авч, бүтээлийг нь tagtaa.mn сайтаар дамжуулан та бүхэнд хүргэсэн билээ. Шүүгчдийн дүнгээр яруу найргийн төрлийн шилдгээр залуу яруу найрагч Мөнхцолын Батбаяр “Айсуй цагийн баяр” тэргүүт шүлгээрээ “Тагтаа 2018” уралдааны ялагч болсон юм.

ШИЛДЭГ ШҮЛЭГЧ:

Мөнхцолын Батбаяр: Чи явлаа ...

СҮҮЛИЙН ШАТАНД ШАЛГАРСАН ШҮЛГҮҮД: 

Доржнямбуугийн Эрдэнэзулай: Ийм л хүйтнийг үзэж гэж...

Гантөмөрийн Хашбаатар: Чаплингүй инээд ...

Ламжавын Лхагвасүрэн: Өчүүхэн сэтгэлийнхээ буланд завилж суугаад

Товуусүрэнгийн Амар-Амгалан: Хавар

 ОРЧУУЛГА

Орчуулгын төрөлд 40 орчуулагч бүтээлээ ирүүлснээс бид шилдэг ЗУРГААН бүтээлийг шигшин авч, бүтээлийг нь tagtaa.mn сайтаар дамжуулан та бүхэнд хүргэсэн билээ. Орчуулгын төрлийн шилдгээр Японы зохиолч  Окамото Кэйзогийн "Нэбүкава руу" туужийн орчуулгаар Мягмарын Сугар-Эрдэнэ тодорч, “Тагтаа 2018” уралдааны ялагч болсон юм.

ШИЛДЭГ ОРЧУУЛГА:

Мягмарын Сугар-Эрдэнэ: Японы зохиолч Окамото Кэйзогийн "Нэбүкава руу"

СҮҮЛИЙН ШАТАНД ШАЛГАРСАН ОРЧУУЛГА:

Дашцэрэнгийн Мөнххишиг: Орос-Америкийн зохиолч Кэт Гессений "Эмээгээ дурсахуй" 

Мөнхцолын Батбаяр: Хятадын зохиолч Чи Жи Жианы "Бутан гахайн тос" 

Ганболдын Хонгорзул: Хятадын зохиолч Үй Хуагийн "Бүрэнхийн хөвүүн" 

Пүрэвсүрэнгийн Баттогтох: Английн зохиолч Сара Халлын "Цааш түүний сүнс" 

Энхбилигийн Мөнхзаяа: Оросын яруу найрагч, зохиолч Валерий Яковлевич Брюсовын "Гантиг толгой"

“Тагтаа” утга зохиолын шагнал нь хоёр жилд нэг удаа, залуу уран бүтээлчдийг дэмжих зорилготйо зохион байгуулагдана.

Түр хүлээнэ үү...
Top