НОХОЙН ЗҮРХ

Оросын суут зохиолч Михайл Булгаковыг бид "Мастер Маргарита" романаар нь маш сайн мэднэ. Тэгвэл түүний бас нэгэн алдартай зохиол "Нохойн зүрх" тууж Монгол хэлнээ орчуулагдан уншигч таны гарт ирлээ. Хэдий 1925 онд бичигдсэн ч их зохиолчийг нас барснаас олон жилийн дараа, 1968 онд барууны ертөнцөд анхлан хэвлэгдэж, сүүлд 1987 онд Зөвлөлтөд хэвлэгдэх эрх олж авсан эл тууж хэдий дистопи, зөгнөлт зохиол маягаар бичигдсэн ч 1917 оны Окткъябрын хувьсгалын чин зорилгыг задлан егөөдөж, коммунист дэлгэмийн хавчлага дарамтыг уудлан илчилсэн туйлын бодит зохиол байв. Зохиолчийн амьд сэрүүнд гэрт нь хийсэн нэгжлэгээр хураагдаж, улмаар уран зохиолын үнэнч уншигчдын гараас гарт нууцаар дамжин тархсан эл зохиол урт удаан хугацааны хүнд хүчир аялал туулсны эцэст сая л Монгол уншигчдыг оюунлаг хоржоон, уран зүйрлэл, сэтгэлгээний гайхамшгаараа дайлах боломжтой боллоо. Зохиолыг бид барууны хэвлэлүүдээр тарсан дутуу гуцуу хувилбараар нь бус, хамгийн үнэн магадтай гэгдэх орос эхээс нь орчуулан танд хүргэж байна.

Хэвлэгдсэн он 2018
ISBN 978-99978-823-9-4
GoodReads.com дээрх уншигчдын сэтгэгдэл
Ag
Эхний хэсэг нохойн бодол... яг л нээрэн нохой тэгж боддог байх даа гэмээр... Яагаад үнэр нь тийм содон байхад хаяг бичдэг байна аа гэж боддог хэсэг... Үнэрлэх мэдрэмжээ алдсаны дараагаар бичиг таньдаг болоод... Бичгээ хайнга таньснаас болж андуурч өөр дэлгүүр ороод зодуулдаг... Зайдас өгсөн хүн сайн хүн... Сайн хүн дагуулаад гэртээ аваачина... Жаргалд дорхноо л дасна...

Хүн болсон биш бүрр хүнээ байна... ааш авир авах юм байхгүй... Өнчин тархи, үр хөврөл.. мэдкүээ тэр яахав зохиолын фантааз гээд бодчий...

Доктор большевикуудыг үзэн ядна, дургүйцнэ... Хиам бол хүний идэх хоол биш... Хаашаа ч яардаггүй хүн бүх юманд амждаг, нэг л яарснаа, завгүйгээ гайхсан улс хийж чадаж байгаа юм байхгүй... Галоош... Өмнө нь байрны үүдэнд хүн бүхэн галоошоо тайлаад дотогш ордог байсан, шал маш цэвэрхэн... гэтэл большевикууд хулгайлцан... одоо галошоо тайлдаг хүн байхгүй бүррр галоош өмсдөг хүн байхгүй заваараалл...