Хар захын гудамжны Спиноза
Орчуулагч: Батсуурийн Баясгалан

Орчуулагч Б.Баясгалангийн эмхэтгэж орчуулсан өрнө, дорнын шилмэл өгүүллэгүүдийн "Аз жаргалтай төгсгөлүүд" (2013), "Аварга том далавчтай өвгөн" (2014) түүврүүд гарсан даруйдаа бүтээлийн сонголт, орчуулгын чанараараа уншигчдаас өндөр үнэлэлт авч, уран зохиолд шимтэгсэдийн дуртай номууд болсон билээ. Өдгөө худалдаанд дууссан тул уншигчдын чамгүй эрэл сурал дагуулдаг эдгээр номуудаа орчуулагч нэгтгэн, нэгэн хавтаст багцалж "Хар захын гудамжны Спиноза" хэмээх нэрээр ахин хэвлээд байна.

"Хар захын гудамжны Спиноза" номоос та Ясүнари Кавабата, Исаак Башевиз Зингер, Нагиб Махфуз, Октавиа Паз, Доррис Лессинг, Габриал Гарсиа Маркез, Элис Мүнро, Мо Яан зэрэг Нобелийн шагналт голдуу хорь гаруй зохиолчийн хамгийн шилдэг өгүүллэгүүдийг түүвэрлэн унших боломжтой.

ISBN 978-99962-55-63-2
GoodReads.com дээрх уншигчдын сэтгэгдэл
Yanjinlkham Amou
Гурав дахь шөнө, Канар бялзуухай, Хар захын гудамжны Спиноза, Зул сар, Харрисон Бергерон, Манцуй, Эрвээхийн өдөр, Аз жаргалтай төгсгөлүүд илүүтэй таалагдсан.

Gandi
Үе үе дайралдах үг үсгийн алдаануудыг эс тооцвол өөлөх зүйл алга.
Энэ өгүүллэгийн түүврийн ачаар унших байтугай сонсож ч байгаагүй орон орны чадварлаг зохиолчдын бүтээлүүдийн дээжээс амтлах завшаан олдлоо.
Өгүүллэг уншиж байгаа болоод тэр үү нэг уншилтаар бүхлээр нь залгичхаж болохгүй заавал өгүүллэг болгоны хойноос нэгийг тунгаах хэрэг гарсаар гурван хоног шимтэж уншив.


2018 оны 5 сарын 3

Esme
Төрөл бүрийн амттанд бялуурах шиг л... өөр хоорондоо ялгаатай ч, нэг л хүний амнаас сонсох мянга мянган түүх шиг олон өгүүллэгүүд.